Tehastaǵy hımııa zaýyty órtenip jatyr

NUR-SULTAN. QazAqparat – AQSh-tyń Hıýston qalasynyń mańyndaǵy hımııa kásipornynda bir kún ishinde eki jarylys boldy, dep habarlaıdy QazAqparat CNN-ge silteme jasap.

«Tehas hımııa zaýytynda sársenbi kúni tús qaıta taǵy da jarylys boldy. Ol jerde áli de hımıkattar janyp jatyr», - delingen habarlamada.

TPC Group zaýytynda jergilikti ýaqytpen 01:00 shamasynda jarylys bolǵan. Apat saldarynan kem degende úsh adam jaraqat alǵan. Port-Neches qalashyǵynyń ınfraqurylymyna zaqym kelgen.

12 saǵattaı ýaqyt ótken soń zaýyt taǵy da jarylǵan. Jergilikti bılik 6,5 km shaqyrym radıýsqa deıin evakýatsııa jasaǵan. Óıtkeni taǵy da jarylys bolý qaýpi bar.

Kombınat basshylyǵy qazir apat bolǵan jerge jaqyn turǵan hımıkat rezervýarlaryn saqtap qalýǵa kúsh salyp jatyr. Órt sóndirýshiler tilsiz jaýmen kúresip júr.

Apat sebepteri tergeýde anyqtalady.