Tehastaǵy atystan 27 adam qurban boldy
ASTANA. QazAqparat - Quqyq qorǵaý organdaryndaǵy derekkózder jeksenbi kúni Tehas shtatynyń ońtústigindegi Saýterlend-Sprıngs qalashyǵyndaǵy baptıster shirkeýinde bolǵan atystan 27 adamnyń qaıtys bolǵandyǵyna rastady, taǵy 27 adam jaraqat alǵan, dep habarlaıdy TASS.
Osyǵan deıin CNN telearnasynan Saýterlend-Sprıngs ornalasqan Ýılson okrýgi ákimshiliginiń ókili Albert Gomes sóz sóıledi.
Ol sózinde keıbir málimetter boıynsha mert bolǵandardyń sany 27 adam bolýy múmkindigin aıtty. Sonymen qatar ol atalǵan aqparattyń sol ýaqytta áli naqty tekserilmegendigin jetkizgen bolatyn.
Ýılson okrýginiń sherıfi Djo Tekıt óz kezeginde CNN telearnasyna 20-dan kem emes adamnyń qaza bolǵandyǵyn aıtty.
Sońǵy málimetter boıynsha, belgisiz er adam shirkeýge kirip baryp, adamdarǵa oq ata bastaǵan. Qaskóıdi polıtsııa atyp óltirdi.
CNN telearnasynyń ókilderi oqıǵa ornynda federaldyq tergeý basqarmasy men polıtsııa jumys istep jatqandyǵyn habarlady. Jergilikti telearnalardyń málimetteri boıynsha, jaraqattanǵandardy aýrýhanalarǵa tikushaqtarmen jetkizip jatty.
Tehas gýbernatory Greg Ebbott tvıtterde quqyq qorǵaý organy qyzmetkerlerine rızashylyǵyn jetkizdi. Saýterlend-Sprıngs qalasynyń turǵyndaryny sany 400 adamǵa jýyqtaıdy.
