Tehastaǵy áskerı bazada qandy qyrǵyn uıymdastyrǵan azamat «Ál-Kaıedamen» baılanysta bolǵan - Eı-bı-sı telekompanııasy
ASTANA. Qarashanyń 11-i. QazAqparat - Qarashanyń 5-inde Tehastaǵy Fort-Hý áskerı bazasynda qandy qyrǵyn uıymdastyrǵan Nadal Málik Hasan, osydan birneshe aı buryn «Ál-Kaıeda» lańkesterimen baılanys ornatqan.
Dúısenbi kúni Eı-bı-sı telekompanııasy habarlaǵandaı, amerıkandyq arnaıy qyzmetter bul týraly Hasannyń qolǵa túsirilgen elektrondyq hattarynyń birinen oqyp bilgen. Bul aqparat áskerı baza quzyryna kiretin AQSh armııasy qolbasshylyǵyna beriledi, Hasannyń ústinen basqa da dabyldar túskenine qaramastan, biraq olar eshqandaı shara qabyldamaıdy.
«Aǵymdaǵy jyldyń shilde aıynda bazaǵa kelgenge deıin, ol «Ál-Kaıedanyń» negizgi jasaqtaýshylarynyń biri Iemende turatyn Ánýar ál-Aýlakımen qarym-qatynasta bolǵan», dep habarlaıdy Eı-bı-sı telekompanııasy.
