Tehastaǵy áskerı bazada áskerı psıhıatr birneshe jaýyngerdiń ólimine sebepker boldy
ASTANA. Qarashanyń 6-sy. QazAqparat - Jańa bastalǵan tergeý Tehastaǵy Fort-Hýd áskerı bazasynda oq atqan adamnyń tulǵasyn anyqtady,
dep habarlaıdy «Azattyq» radıosy.
Ol - AQSh qarýly kúshteriniń 40 jastaǵy maıory Nıdal Málik Hasan. Ázirge naqtylanbaǵan málimetter boıynsha, bul azamat bazada áskerı psıhıatr bolyp jumys istegen. Tehastan saılanǵan senator Keı Beılı Hatchınsonnyń Pentagondaǵy derek kózderge silteme jasap habarlaýynsha, maıor Irakqa attandyrylýy kerek bolǵan.
Pentagon ókili general Robert Koýnnyń aıtýynsha, Nıdal Málik Hasan jergilikti ýaqyt boıynsha tústen keıin armııalyq medıtsınalyq ortalyq ǵımaratyna kirip, medıtsınalyq komıssııadan ótip jatqan áskerı qyzmetkerlerge eki tapanshadan oq jaýdyrǵan. Oqıǵa saldarynan 11 adam qaza tapqan, 31 adam jaralanǵan. Oq jaýdyrǵan maıordy áskerı polıtsııa qyzmetkerleriniń biri atyp óltirgen. Nıdal Málik Hasannyń seriktesteri degen kúdikpen taǵy eki áskerı qyzmetker ustaldy, olardyń aty-jónderi jarııa etilmeı otyr.
Prezıdent Barak Obama Ford-Hýd bazasyndaǵy bul qandy qyrǵyndy «zorlyq-zombylyqtyń qorqynyshty oqıǵasy» dep atady: «úıden alys jerlerde bolǵan shaıqastarda amerıkan jaýyngerlerin joǵaltý óte aýyr. Biraq olardyń Qurama Shtattardyń aýmaǵynda áskerı bazada oqqa ushqanyn estigende, esten tana jazdaısyz», deıdi ol.
Fort-Hýd - álemdegi eń úlken amerıkandyq áskerı garnızon. Onda áskerıleri alǵashqylardyń biri bolyp 2003 jyly Irakqa attandyrylǵan 1-shi saýytty-kavelerııalyq dıvızııa ornalasqan.
