Tehastaǵy sý tasqynynan keıin joǵalǵandardyń basym bóligi tabyldy

ASTANA. KAZINFORM — AQSh-tyń Tehas shtatynda 4 shildede bolǵan sý tasqynynan keıin joǵalyp ketkenderdiń sany 160-tan 3 adamǵa deıin azaıdy. Bul týraly CNN jergilikti bılik ókilderine silteme jasap habarlady, dep jazdy Anadoly agenttigi.

Resmı tulǵalardyń málimdeýinshe, sý tasqynynan zardap shekken Kerr okrýginde qutqarý jumystary áli de jalǵasyp jatyr. Іzdeý jumystaryna myńnan astam qyzmetker qatysqan, nátıjesinde buryn habar-osharsyz ketkenderdiń kóbi tiri tabylyp, tizimnen shyǵaryldy.

Sý tasqyny Gýadalýpe ózeniniń arnasynan asyp, jaýǵan kúshti nóserdiń saldarynan oryn aldy. AQSh prezıdenti Donald Tramp Kerr okrýgin apat aımaǵy dep jarııalap, óńirge tekserý saparymen bardy.

Tabıǵı apat saldarynan 135 adam qaza tapty. Jergilikti respýblıkalyq bılik ókilderi Tramp ákimshiliginiń bastamasymen qysqarǵan bıýdjetke baılanysty Ulttyq meteorologııalyq qyzmet tótenshe jaǵdaı jóninde der kezinde ári naqty eskertý jasaı almady dep aıyptady.

Eske sala keteıik, buǵan deıin AQSh-tyń Tehas shtatyndaǵy kúshti sý tasqyny saldarynan104 adam qaza tapqanyn jazǵan edik. Onyń ishinde 28 bala bar ekeni aıtylǵan edi.