Tehasta zııandy hımııalyq zat aýaǵa tarap ketti
ASTANA. QazAqparat - Qaýipti hımııalyq zattyń taralýy dúısenbi kúni Tehas shtatynyń «Harvı» daýyly shyqqan ońtústik shyǵys aımaǵynda tirkeldi, dep habarlaıdy Reuters agenttigi.
Hımııalyq zattyń shyǵyp ketýi Hıýstonnan 40 shaqyrym jerde ornalasqan La-Port qalasynyń mańyndaǵy qubyr jelisinde bolǵan.
Jergilikti turǵyndarǵa tysqa shyqpaýǵa jáne salqyndatqyshtardy qospaý kerektigi eskertildi. Bılik hımııalyq zattyń taralýyna kútpegen apattyń qatysy bar-joǵyn ázirge ashyp aıtpaı otyr. Órt sóndirýshiler onyń saldaryn joıýmen aınalysyp jatyr.
AR agenttigi daýyl saldarynan Tehastaǵy taǵy eki munaı qoımasynda hımııalyq zattyń tógilgenin habarlady. Bloomberg málimetinshe, «Harvı» daýyly saldarynan kelgen shyǵyn 30 mlrd dollarǵa jetýi múmkin.
