Tehasta jolaýshylar avtobýsy apatqa ushyrady: segiz adam qaza tapty
ASTANA. QazAqparat - Amerıkanyń Tehas shtatynda, Meksıka shekarasyna jaqyn jerde jolaýshylar avtobýsy apatqa ushyrap, 8 adam qaza tapty jáne 40-tan astamy jaraqattandy.
Aldyn ala málimetter boıynsha, júrgizýshi trassada kólikti basqara almaı, Rıo-Grandtan Igl-Pass qalasyna baǵyt alǵan avtobýs aýdaryldy.
Jeti adam oqıǵa ornynda ajal qushty, taǵy bireýi alynǵan jaraqattar saldarynan aýrýhanada kóz jumdy. Jalpy aýrýhanaǵa 44 adam jetkizildi. Avtobýs júrgizýshisi aman qaldy.
AQSh-tyń kóliktegi qaýipsizdik boıynsha Ulttyq keńesi bolǵan oqıǵanyń mán-jaıyn anyqtaý úshin oqıǵa ornyna óz mamandaryn jóneltkenin málimdedi.
Tehas gýbernatory Greg Ebbot qaza tapqandardyń januıalaryna kóńil aıtty.
Apatqa ushyraǵan avtobýs OGA Charters charterlik kompanııasyna tıesili bolǵan.
