Tehasta jeńil motorly ushaqtyń qulaýy saldarynan 3 adam mert boldy
ASTANA. QazAqparat - Tehas shtatyndaǵy Pleınvıý qalasynyń Heıl Kaýntı áýejaıynan ushyp shyqqan jekemenshik jeńil motorly ushaqtyń birden qulaýy saldarynan kem degende úsh adam qaza tapty.
Jergilikti Plainview Daily Herald basylymynyń málimetterine sáıkes, ushaq juma kúni jergilikti ýaqyt boıynsha saǵat 21:30 shamasynda (senbi kúni jergilikti ýaqyt boıynsha saǵat 5:30-da) ushyp shyqqannan keıin birden bıiktikti joǵaltyp, áýejaı aýmaǵyna qulaǵan soń, órtene bastaǵan.
Oqıǵa ornyna kelip jetken apattyq qyzmetter ony qorshap aldy.
Aldyn ala málimetter boıynsha, apatqa nashar meteorologııalyq jaǵdaı sebep bolýy múmkin. AQSh-tyń avıatsııalyq basqarmasy bolǵan oqıǵany tergeý amaldaryna kiristi, dep jazady RIA Novostı.
