Tehasta ushaq apatqa ushyrady

TEHAS. QazAqparat – Tehas shtatynyń Grand Prerı qalasynda shaǵyn ushaq apatqa ushyrap, eki adam qaza tapty, dep habarlaıdy QazAqparat.

Jergilikti polıtsııa qyzmetiniń dereginshe, dúısenbide saǵat 14:54 shamasynda Grand Prerıdiń órt sóndirý qyzmeti shaǵyn jolaýshylar ushaǵynyń apatqa ushyraǵany týraly habar alǵan. Rastalǵan málimetterge sáıkes, eki adam opat boldy», – delingen qalalyq ákimshiliktiń saıtynda. «Ushaq Dentonnan (Tehas shtaty) ushyp shyǵyp, Grand Preırı mýnıtsıpaldy áýejaıyna qonǵan. Alaıda áýege qaıta kóterilgen ushaq birneshe mınýttan soń qulady».

NBC telekompanııasynyń habarlaýynsha, bortynda eki adamy bar ushaq telefon baǵanasyn ilip ketken. Ol shamamen 500 fýt (152 m) júrip ótip, avtomobılge soǵylǵan. Apat kezinde kólik ishinde bolǵan adam aýrýhanaǵa jetkizildi.

AQSh federaldy azamattyq áýe basqarmasy oqıǵa boıynsha tergeýdi bastady.