Tehasta tornadodan 5 adam kóz jumdy
ASTANA. QazAqparat Senbi kúni keshke Amerıkanyń Tehas shtatynda bolǵan birneshe joıqyn tornadodan kemi 5 adam kóz jumyp, 50 adam aýrýhanaǵa tústi, dep habarlaıdy Bı-Bı-Sı agenttigi.
Quıyn Dallastan 95 shaqyrym jerdegi Kanton qalasyna tóndi. Saldarynan Tehastaǵy birneshe eldi mekenge nuqsan keldi.
Jergilikti telekompanııa túsirgen vıdeodan qıraǵan úılerdi, tóńkerilgen kólikterdi jáne tamyry qoparylǵan aǵashtardy kórýge bolady.
Jergilikti órt kúzeti qyzmetiniń habarlaýynsha, Kantondaǵy qoımalardyń birine zaqym kelgen jáne belgisiz hımıkattar aýaǵa jaıylǵan.
Tehas «Tornado alleıasy» retinde tanymal aımaqta ornalasqan. Bul shtatta joıqyn quıyndar jıi bolyp turady.
