Tehasta temir tordyń ar jaǵyndaǵylar túrme qyzmetkerin qutqardy (VIDEO)
ASTANA. QazAqparat - Aıyptalýshylar Tehas shtaty Ýeterford qalasynyń okrýgtik soty ǵımaratynyń jertólesinde bolǵan. Oqıǵa 23 maýsymda oryn aldy.
Shaǵyn bólmedegi kamerada 8 tutqyn bolǵan. Olarǵa qarsy oryndyqtaǵy otyrǵan kúzetshi olarmen sóılesken. Kenetten kúzetshi edengen qulap túsken, dep habarlady Mignews.com.
Bul týraly NBC News-ke okrýg sherıfi Mark Arnett aıtty: "Bastapqyda ol aıyptalýshylarmen sóılesip otyrǵan. Keıin edenge qulady. Ol qulaǵan soń temir tordyń ar jaǵyndaǵylar kómekke shaqyrdy".
Aıqaılary qyzmetkerlerdiń nazaryn aýdarmaǵandyqtan, olar kameranyń esigin syndyrady. Sherıftiń aıtýynsha, kúzetshiniń ratsııasy arqyly kómekke shaqyrǵan. Artynsha polıtseıler kelip, dárigerlerdi shaqyrtty. Esinen tanyǵan kúzetshige júrek-ókpe reanımatsııasyn jasady, sonymen qatar júrek qaǵysyn retteý úshin defıbrıllıator qoldandy.
Bul oqıǵa sottyń beıne baqylaý kameralaryna ilikken.
