Tehasta poıyz ardagerler toby kele jatqan treılerdi qaqty: 4 adam qaza taýyp, 17 adam zardap shekti
ASTANA. 16 qarasha. QazAqparat - Tehasta (AQSh) poıyz jaraqattanǵan ardagerlerdiń qurmetine uıymdastyrylǵan sherýdiń qatysýshylary minip kele jatqan treılermen soqtyǵysty,
dep habarlaıdy RBK.
Oqıǵa saldarynan 4 adam qaza taýyp, 17-si jaraqattandy, olardyń ishindegi 10 adam aýyr halde jatyr. Qalǵan 7 adamnyń jaǵdaıy qalypty.
Kóliktik qaýipsizdik ulttyq keńesiniń baspasóz hatshysy Pıter Nadson onyń uıymy apat saldaryn tergeý jumystaryn júrgizip jatqanyn málimdedi.
Jaraqattanǵan ardagerlerdiń qurmetine uıymdastyrylǵan sherý banketpen aıaqtalýy tıis edi. Jaraqattanǵan áskerı qyzmetkerlerdiń bul demalys kúnderi maraldarǵa ańshylyq jasaýǵa qatysatyny da kózdelgen.
