Tehasta magnıtýdasy 5 baldyq jer silkinisi boldy
ASTANA. KAZINFORM – AQSh-tyń Tehas shtatynda beısenbi kúni magnıtýdasy 5 bolatyn jer silkinisi tirkeldi, dep habarlaıdy AQSh Geologııalyq qyzmeti (USGS).
USGS málimetinshe, jer silkinisiniń oshaǵy shamamen 6 shaqyrym tereńdikte ornalasqan. Epıtsentri Tehas pen Nıý-Meksıko shtattarynyń shekarasyna jaqyn jerde bolǵan.
Jerasty dúmpýi Tehastyń batys bóliginde jáne Nıý-Meksıko shtatynyń ońtústik-shyǵysynda sezildi.
USGS dereginshe, aldaǵy birneshe kúnde atalǵan óńirde qaıtalama jer silkinisteri bolýy múmkin.
Aıta keteıik, buǵan deıin Venesýelada bolǵan joıqyn jer silkinisterinen qaza tapqandar sany 5 398 adamǵa jetkeni týraly habarladyq.
Al 21 shilde kúni Perýde bolǵan eki jer silkinisinen alty adam qaza tapty.
