Tehasta qaskóı 8 adamdy atyp óltirdi
ASTANA. 8 tamyz. QazAqparat - AQSh polıtseıleri birneshe adamdy óltirdi degen kúdikpen er adamdy ustady, dep habarlaıdy ýtro.rý.
Oqıǵa jergilikti ýaqyt boıynsha shamamen 22:30-da (Astana ýaqyty boıynsha 11:30-da) oryn alǵan. Aty-jóni belgisiz jigit óziniń Dallastaǵy burynǵy dos qyzynyń úıine basa-kóktep kirip, ony úıinen taba almaı, yzadan ishtegi adamdarǵa ata bastaǵan. Saldarynan 4 adam jaraqat alyp, olardyń ekeýi sol jerde qaıtys boldy, al qalǵandary aýyr halde aýrýhanaǵa jetkizildi.
Budan keıin qylmysker mashınasyna otyryp, óz súıiktisin kórshiles Desoto qalasyna izdeýge barǵan. Ol jaqta ol turǵyn úılerdiń birine jarylǵysh qurylǵy laqtyryp, artynan ishke kirip, taǵy tórt adamdy atyp tastaǵan. Olardyń ishinde eki adam ǵana aman qaldy. NBC habarlaýynsha, eki oqıǵa aralyǵyndaǵy ýaqyt 15 mınýttan aspaıdy.
Desotoda mert bolǵandardyń ishinde onyń burynǵy qyzy da bar. Polıtsııada habarlaǵandaı, qandyqol oǵy taýsylǵannan keıin ǵana ustaldy.
