Tehasta qarýdy ashyq túrde ustaýǵa ruqsat berildi
ASTANA. QazAqparat - Amerıkanyń Tehas shtatynda qarý ustaýǵa arnaıy ruqsaty bar qarý ıelerine ony qoǵamdyq jerlerde ashyq túrde ustap júrýge ruqsat berildi. 2015 jyldyń maýsym aıynda qabyldanǵan tıisti zań 1 qańtarda óz kúshine endi, dep habarlaıdy Lenta.ru.
The Independent-tiń habarlaýynsha, ótken jyldyń sońyna deıin kóshede qolyna tapasha ustap júrgisi keletin adamdar ony aınalasyndaǵylardan jasyryp júrýge tıis bolǵan. Talaptar birqatar erekshelikterdi qarastyrǵan: eger qarýdyń ıesi tártip saqtaýmen baılanysty mindetterdi oryndasa, ańshylyqta bolsa nemese tapanshany paıdalanýmen baılanysty kópshilik sharalarǵa qatyssa, oǵan qarýdy ashyq túrde alyp júrýge ruqsat berilgen.
Qazirgi kezde Amerıka shtattarynyń kóbinde atys qarýyn ashyq túrde alyp júrýge ruqsat berilgen. Bul tizimge Illınoıs, Florıda, Nıý-Iork, Ońtústik Karolına, sondaı-aq Kolýmbııa okrýgi, Amerıkandyq Samoa, Soltústik Marıan jáne Amerıkandyq Vırgın araldary kirmeıdi.
