Tehasta belgisiz bireý aýrýhanadaǵy emdelýshilerdi kepilge aldy
ASTANA. QazAqparat - AQSh-ta er adam senbi kúni Tombol qalashyǵyndaǵy (Tehas shtaty) aýrýhanalardyń birinde eki adamdy kepilge aldy. Polıtsııanyń habarlaýynsha, qylmysker qarýlanǵan bolýy múmkin, dep habarlady TASS.
BAQ derekterine súıensek, er adam kepilderdi aýrýhananyń ekinshi qabatyndaǵy jansaqtaý bóliminde ustap otyr. Nelikten ekeni ázirge belgisiz. Oqıǵa ornyna polıtsııa jasaǵy bardy. Aýrýhana mańy qorshaýǵa alyndy. Tombolda shamamen 10 myńdaı adam turady. Ol Hıýstonnyń soltústik-batysynan 50 shaqyrymda ornalasqan.
