Tehasta Batys Nıldiń bezgek aýrýyna shaldyqqandardyń sany 500-den astam adamnan asty
ASTANA. 6 qyrkúıek. Qazaqparat - Aǵymdaǵy jyldyń 5 qyrkúıegindegi jaǵdaı boıynsha Amerıkanyń Tehas shtatynda Batys Nıldiń bezgek aýrýyna shaldyqqandardyń sany 510 adamdy qurady.
Bul týraly Associated Press agenttigine silteme jasaı otyryp RBK habarlady.
Aýrýdy aldyn alý men baqylaý jónindegi jergilikti ortalyqtyń bergen málimetterine qaraǵanda, bul dertten qazirdiń ózinde 43 adam kóz jumǵan. Bul 2003 jyldyń kóleminen asyp jyǵylýda, ol kezde 39 adam ajal qushyp, 434-i naýqasqa shaldyqqan bolatyn.
Dárigerler habarlaǵandaı, osy ýaqytqa deıin derttiń ýshyǵýyna sebep bolǵan jaǵdaı anyqtalmaı otyr.
Aýrýdy aldyn alý men baqylaý jónindegi jergilikti ortalyqtyń ókilderi málim etkendeı, qazirgi ýaqytta Tehas shtatynyń bıligimen birge indettiń ári qaraı taramaýyna baılanysty sharalar qoldanylýda. Atap aıtqanda vırýsty tasymaldaıtyn masalar men olardyń jumyrtqalary joıylýda.
Aıta keteıik, Batys Nıldiń bezgek aýrýy - tez áser etetin, tolyǵymen zerttelmegen dert.
