Tehasta áıel shirkeý ishinde oq jaýdyrdy

ASTANA. KAZINFORM – Hıýstonda polıtsııanyń eki qyzmetkeri jeksenbi kúni AQSh-taǵy eń iri evangelııalyq shirkeýlerdiń biri Leıkvýd ishinde oq jaýdyrǵan áıeldi óltirdi, dep habarlaıdy Reuters. 

«Janyna shamamen 5 jasar balany ertip kelgen shamamen 30 jastaǵy qarýly áıel shirkeýge kirip, oq jaýdyrdy», - dedi jeksenbi kúni tilshilerge Hıýston polıtsııasynyń basshysy Troı Fınner.

Onyń aıtýynsha, áıel ıspan tilinde ǵıbadat etýge daıyndalyp jatqan shirkeýde eshkimge zııan keltirmes buryn óltirilgen. Eki adam jaraqat aldy, onyń ishinde áıelmen erip kelgen bala bar.

Bala aýrýhanaǵa jetkizildi, onyń jaǵdaıy óte aýyr. Er adam aıaǵynan jaraqat alyp, qazir em alyp jatyr.