Tehasta aýrýhana patsıenti reanımobıldi urlap áketip, polıtsııamen jarysty
ASTANA. QazAqparat - Tehas shtatynda (AQSh) jergilikti aýrýhananyń jedel járdem bóliminde em qabyldaǵan 18 jastaǵy Armando Vınadja medıtsınalyq mekeme aýlasyndaǵy reanımobıldi urlap áketken jáne saǵatyna 160 shaqyrym jyldamdyqta polıtsııamen jarysqan.
Bul týraly ABC telearnasy habarlady.
Polıtseılerdiń aıtýynsha, Armando mas bolǵan jáne ózin esersoq adamdaı ustaǵan. Onyń qala kóshelerimen joǵary jyldamdyqta júrip, eshqandaı jol-kólik oqıǵasyn jasamýy - naǵyz kezdeısoqtyq.
Mas júrgizýshi kólikti basqara almaı, gúlzarǵa qulaǵanda ǵana tártip saqshylarynyń qolyna tústi.
Armando Vınadjege qylmystyq kodekstiń tórt baby boıynsha aıyp taǵyldy.
