Tehasta atys bolyp, úsh adam mert boldy

OSTIN. QazAqparat – Tehas shtatynyń Fort-Ýerte qalasynda bolǵan atys saldarynan úsh adam qaza taýyp, segizi jaraqat aldy, dep habarlaıdy QazAqparat Reuters-ke silteme jasap.

Atys 4 shilde – AQSh táýelsizdigi kúnin toılaý kezinde tún ortasynda avtoturaqta boldy, dedi polıtsııa seısenbi kúni.

Zardap shekkenderdiń biri sol jerde qaza tapty. Ekeýi aýrýhanada kóz jumsa, 8 adam aýrýhanaǵa jetkizildi.

ABC News dereginshe, zardap shekken turǵyndardyń 10-y eresek adamdar, bireýi – kámelet jasyna tolmaǵan bala.

Oqıǵa Táýelsizdik kúnine oraı jyl saıyn ótkiziletin jergilikti ComoFest festıvali aıaqtalǵan soń birneshe saǵattan keıin Komo Fort-Ýert aýdanynda boldy.

Ázirge qansha adam oq atqany jáne nelikten oǵan barǵany belgisiz. Tutqynǵa alynǵandar týraly málimet taratylmady.