Tehasta apatqa ushyraǵan Boeing 767 ushaǵyndaǵy jolaýshylardyń bári qaza tapty
ASTANA. QazAqparat - Senbi kúni AQSh-tyń Tehas shtatyndaǵy Anaýak eldi mekeniniń mańynda Boeing 767 avıalaıneri apatqa ushyrap, bortyndaǵy adamdardyń barlyǵy qaza tapqan, dep habarlaıdy «QazAqparat» HAA Atlas Air áýe kompanııasynyń resmı saıtyna silteme jasap.
«Atlas Air kompanııasy 23 aqpan kúni Anýakta 3591 reısin oryndaý kezinde apatqa ushyraǵan ushaq bortynda bolǵandardyń úsheýi de qaza tapqanyn málimdeıdi», - delingen habarlamada.
Eki motorly Boeing 767 júk tasymaldaýshy ushaǵy Maıamıden (shtat Florıda) Hıýstonnyń (Tehas shtaty) Djordj Býsh atyndaǵy halyqaralyq áýejaıyna bara jatqanda apatqa ushyrady. Federaldyq avıatsııa basqarmasynyń málimdeýinshe, júk laıneri Trınıtı-Beı shyǵanaǵyna qulap, bólshektenip ketken.
Apat saldarynan ushaq bortyndaǵy úsh adamnan quralǵan ekıpaj músheleri túgel qaza tapqan.
Vıdeodan alynǵan skrınshot
