Tehasta alapat quıyn eki balanyń ómirin qıyp ketti
NUR-SULTAN. QazAqparat - Senbi kúni Tehas shtatyndaǵy Franklın shaǵyn qalashyǵynda bolǵan alapat quıyn saldarynan eki bala qaza tapty jáne ondaǵan adam zardap shekti. Bul týraly Associated Press agenttigi bılikke silteme jasap habarlady.
Budan buryn AccuWeather konsýltatıvtik kompanııasynyń aqparattyq qyzmeti tabıǵı apattan birneshe adam, sonyń ishinde eki bala zardap shekkendigi týraly aqparat taratqan bolatyn.
Agenttiktiń deregine sáıkes, eki zardap shegýshi jergilikti aýrýhanaǵa jetkizilgen. Olardyń ómirine eshqandaı qaýip tónip turǵan joq. Tornadonyń basqa qurbandaryna oqıǵa ornynda kómek kórsetildi.
Sondaı-aq San-Antonıo qalasynyń (Tehas shtaty) soltústigine iri burshaq jaýǵan. Aýa raıynyń qolaısyzdyǵyna baılanysty Dallas qalasy Lav áýe aılaǵynda jáne Dallas halyqaralyq áýejaıy - Fort-Ýertte áýe reısteri toqtatyldy.
