Tehas turǵynyna kókten qulaǵan jylan men jemtigine talasqan qarshyǵa shabýyl jasady
TEHAS.QazAqparat - Tehas turǵyny Peggı Djons ústine jylan qulap, artynsha qarshyǵa shabýyl jasaǵannan aýyr jaraqat aldy, dep habarlaıdy QazAqparat BBC-ge silteme jasap.
64 jastaǵy Peggı Djons kógalyn tazalap jatqanda, ústine ushyp bara jatqan qarshyǵanyń jemtigi qulaǵan. Jylan birden onyń qolyna oralyp, betine jabysady. Baqytyna oraı kózildirigi qorǵap qalǵan. Ol jylandy laqtyryp tastaýǵa tyrysyp, qolyn sermep turǵanda qarshyǵa shabýyl jasaǵan.
Áıeldiń qoly men beti jaraqattanyp qaldy.
Qyzyq oqıǵa 25 shilde kúni Lýızıana shekarasyna jaqyn Tehas shtatyndaǵy Sılsbı qalasynda boldy.
Peggı Djonstyń aıtýynsha, qarshyǵa jylannyń sońynan ile-shala paıda bolǵan. Jemtigin tartyp alýǵa tyrysqan jyrtqysh qus birneshe ret oralyp, áıelge shabýyl jasaıdy.
Aqyry jylandy alyp ushyp ketedi.
Osy oqıǵadan keıin áıeldiń túngi uıqysy buzylǵan.
