Tehas mektebinde oq ashqan oqýshy qyzdar bolyp shyqty
ASTANA. QazAqparat - Amerıka polıtsııasy Tehastyń Alpaın shtatyndaǵy mektepte bolǵan atystyń mán-jaıyn habarlady. Bul týraly ABC News-qa silteme jasap, Lenta.rý jazýda.
Aldyn ala aqparatqa sáıkes, oqýshy qyzdardyń biri ájethana bólmesinde ekinshi qyzǵa oq atyp, sońynan ózine-ózi qol salǵan. Zardap shekken qyz bala aýrýhanaǵa jetkizildi.
Onymen qosa, júrgizilgen operatsııa barysynda tártip saqshylarynyń biri kezdeısoq atylǵan oqtan jaraqat aldy. Oqty kim atqany aıtylmaǵan.
Buǵan deıin atys mekteptiń akt zalynda bastalǵany habarlanǵan bolatyn. Mektep ǵımaraty qorshaýǵa alynyp, barlyq 280 oqýshy qaýipsiz jerge kóshirildi.
Alpaın qalasy Tehas shtatynyń batysynda ornalasqan. Ol Brýster okrýginiń ortalyǵy bolyp tabylady. 2010 jylǵy halyq sanaǵy boıynsha Alpaında 6 myńǵa jýyq adam turady.
