Tegrandaǵy lańkestik úshin jaýapkershilikti «Iran monarhııasy qoǵamy» moınyna aldy
ASTANA. Qańtardyń 13-i. QazAqparat - Seısenbi kúni Tegranda jasalǵan lańkestik áreket úshin jaýapkershilikti «Iran monarhııasy qoǵamy» atty uıymy moınyna aldy.
Bul oqıǵanyń saldarynan ırandyq ıadrolyq fızık maman Masýd Álı Mohammadı qaza tapty, dep habarlaıdy ITAR-TASS agenttigi
«Iran monarhııasy qoǵamy» Irandaǵy ıslamshyl rejimdi qulatýdy, eldi zaıyrly memleket dep jarııalaýdy jáne Iran monarhııasyn qaıta qalpyna keltirýdi maqsat etedi, dep habarlaıdy ırandyq Fars agenttigi
Keshe jergilikti ýaqyt boıynsha saǵat 08.00-de (máskeý ýaqyty boıynsha 07.30-da) Tegrannyń soltústigindegi Geıtarıe aýdanynda qýatty jarylys bolyp, oqıǵa saldarynan ıadrolyq fızık maman, 50 jastaǵy Masýd Álı Mohammadı qaza tapqan edi. Irandyq derek kózderdiń málimetteri boıynsha, ǵalymnyń úıiniń janyna qoıyp ketilgen mototsıkl jarylǵan.
