Tegranda stýdentter manıfestatsııasy barysynda 200-den astam adam ustaldy
ASTANA. Jeltoqsannyń 9-y. QazAqparat - Keshe Tegranda ótken stýdentter manıfestatsııasy barysynda polıtsııa 204 adamdy qamaýǵa aldy,
Bul týraly IRNA aqparattyq agenttigine Tegran polıtsııasynyń bastyǵy Ázızalla Radjabzade habarlady.
Polıtsııa bastyǵynyń aıtýynsha, ustalǵandardyń ishinde 39 áıel bar. Qazir tergeý amaldary júrgizilýde, sharalar aıaqtalǵan soń, qoǵamdyq tártipti buzý fakti boıynsha qozǵalǵan ister sot organdaryna beriledi.
Irandaǵy derekkózderdiń málimetteri boıynsha, aldyńǵy kúni Stýdentter kúnine oraı ótken stýdenttik manıfestatsııa barysynda Tegran ýnıversıteti men onyń tóńiregindegi kóshelerde oppozıtsııa jaqtaýshylarynyń qatysýymen tártipsizdikter oryn alǵan. Olar qoqys konteınerleri men kólik quraldaryn órtegen, úkimetke qarsy urandar aıqaılap, tártip saqshylaryna tastar laqtyrǵan.
