Tegranda qarýsyzdaný jónindegi konferentsııa ótti
ASTANA. Sáýirdiń 19-y. QazAqparat - Qarýsyzdaný jónindegi Tegran konferentsııasyna qatysýshylar ıAdrolyq qarý-jaraqty taratpaý týraly sharttyń úsh negizgi babyn - ıadrolyq qarý-jaraqty taratpaý, ıadrolyq qarýsyzdaný jáne atom energııasyn beıbit maqsatta paıdalaný jónindegi baptaryn qatań saqtaý qajettiligin qýattady.
Bul týraly jeksenbi kúni Tegranda aıaqtalǵan osynaý forýmda sóılegen sózinde Irannyń syrtqy ister mınıstri Manýchehr Mottakı málim etti, dep habarlady ITAR-TASS agenttigi.
M.Mottakı óz sózinde sondaı-aq, ıAdrolyq qarý-jaraqty taratpaý týraly sharttyń zamanaýı jaǵdaıda «jańasha kózqarasqa muqtaj ekenin» atap kórsetti. Forým aıasyndaǵy jaryssózderge qatysýshylar osyndaı ortaq pikirge kelip otyr, dep atap kórsetti Iran mınıstri óz sózinde. Mınıstr, ıran-ırak qarýly qaqtyǵysy kezinde (1980-1988 jyldary) Iran halqynyń hımııalyq qarý qoldanysynyń qurbany bolǵanyn erekshe atap ótti. «Sol taǵylyqtyń saldaryn búgin de baıqaýǵa bolady, al zardap shekkender áli kúnge deıin emdelýde. Álemdik qaýymdastyqtyń jappaı qyryp-joıatyn qarýdy tolyq joıýdyń qajettiligin túsinetin kez keledi jáne solaı bolady da», dep atap kórsetti Iran mınıstri.
ıAdrolyq qarý-jaraqty joıý jáne taratpaý jónindegi halyqaralyq konferentsııa Tegranda «Atom energııasy- barshaǵa, ıadrolyq qarý -eshkimge» degen uranmen ótti. Onyń jumysyna álemniń 56 eliniń resmı jáne beıresmı ókilderi qatysty.
