Tegranda halyqaralyq qurylys materıaldary kórmesi ashyldy
TEGRAN. Tamyzdyń 3-i. QazAqparat /Asylbek Ádilhan/ - Tegranda halyqaralyq 10-shy qurylys materıaldary kórmesi «Arzan, sapaly jáne tez qurylys» degen uranmen el astanasyndaǵy turaqty halyqaralyq kórmeler ortalyǵynda ashyldy.
Ortalyqtyń aqparat bólimi habarlaǵandaı, Amerıka men Eýropa Odaǵy memleketteri kásiporyndarynyń bastamashylyǵymen ótip jatqan halyqaralyq qurylys materıaldary kórmesi tamyzdyń 6-syna deıin sozylady.
Jalpy kólemi 100 myń sharshymetrdi alyp jatqan bıylǵy kórmege 1400 otandyq jáne sheteldik kásiporyndar qatysýda. Sonymen qatar olardyń arasynda Amerıka, Anglııa, Germanııa, Frantsııa, Ispanııa, Belgııa, Danııa, Avstrııa, Shvetsııa, Gollandııa. Kanada, Qytaı, Reseı, Túrkııa, Rýmynııa jáne Bolgarııa sııaqty 35 memlekettiń ókilderi óz ónimderin usynýda.
Osy kórmeniń aıasynda qurylys máselelerine arnalǵan semınarlar, dóńgelek ústelder uıymdastyrylyp, jańa tehnologııalarǵa negizdelgen ónimderdiń tanystyrylymy ótedi.
