Tegin úıirmeler: Astananyń 6 aýdanynda ata-analarǵa arnalǵan konsýltatsııalyq pýnkter ashyldy

ASTANA. KAZINFORM – Astanada qosymsha bilim berý salasynda vaýcherlik qarjylandyrý júıesin engizýge baǵyttalǵan QOSYMSHA.KZ pılottyq jobasy iske qosyldy. 

Joba aıasynda ata-analar men zańdy ókilderge ádistemelik jáne aqparattyq qoldaý kórsetý maqsatynda elordadaǵy alty aýdan boıynsha konsýltatsııalyq pýnkter jumys istep jatyr.

Atalǵan konsýltatsııalyq pýnkterde jańa tsıfrlyq platformany paıdalaný tártibi men kezeńderi týraly tegin keńes beriledi. Jaýapty konsýltanttar ata-analarǵa qajetti baǵyt-baǵdar usynyp, júıege tirkelý protsesin túsindiredi.

Ata-analardyń yńǵaılylyǵy úshin konsýltatsııalyq pýnkter senbi jáne jeksenbi kúnderi de jumys isteıdi.

Konsýltatsııalyq pýnktter myna mekenjaılarda ornalasqan:
* Almaty aýdany — Ál-Farabı atyndaǵy oqýshylar saraıy (B. Momyshuly dańǵyly, 5);
* Baıqońyr aýdany — № 1 óner mektebi (Abaı dańǵyly, 74), № 3 balalar mýzyka mektebi (Beısekbaev kóshesi, 3);
* Esil aýdany — № 2 óner mektebi (Dostyq kóshesi, 13);
* Nura aýdany — № 85 mektep-lıtseı (Qabanbaı batyr dańǵyly, 56);
* Saryarqa aýdany — Mahambet Ótemisuly atyndaǵy oqýshylar saraıy (A. Mambetov kóshesi, 1);
* Saraıshyq aýdany — № 83 mektep-gımnazııa (Baıtursynov kóshesi, 35).

QOSYMSHA.KZ — balalardyń shyǵarmashylyq, sporttyq jáne zııatkerlik qabiletterin damytýǵa baǵyttalǵan qosymsha bilim berý uıymdaryna memlekettik qoljetimdilikti qamtamasyz etýge arnalǵan aqparattyq tsıfrlyq júıe.

Aıta ketelik Astanada jańa tsıfrlyq vaýcherlik júıe iske qosylǵan edi.