Tegin tamaqqa talas: Alataý qalasynda dámhanaǵa aıyppul salyndy
QONAEV. KAZINFORM – Alataý qalasynda adamdardyń qaýipsizdigin qamtamasyz etpegen dámhana jazalandy.
Bıyl 26 qazan kúni Alataý qalasynda dámhananyń ashylýyna oraı tegin sýshı taratylǵan. Alaıda tegin tamaqqa talasqan adamdardyń kóptiginen dámhana aldynda tártipsizdik ornaǵan.
Almaty oblysynyń polıtsııa departamentiniń málimetinshe, tekserý barysynda is-sharanyń Alataý qalasy ákimdigimen kelisilmegeni anyqtaldy. Sondaı-aq dámhana ákimshiligi kópshilik jınalǵan jerde qoǵamdyq tártip pen qaýipsizdikti qamtamasyz etý sharalaryn oryndamaǵan.
- Mekeme ıesine qatysty ákimshilik is qozǵaldy. QR Ákimshilik quqyqbuzýshylyq týraly kodeksiniń 443-babynyń 1-bóligine sáıkes, qoǵamdyq tártipti qamtamasyz etý talaptaryn buzǵany úshin kásipker ákimshilik jaýapkershilikke tartylyp, aıyppul salyndy, – dep habarlady oblystyq polıtsııa departamentinen.
Eske salaıyq, buǵan deıin Atyraýda «prank» úshin qyzdy kúshtep kólikke otyrǵyzǵan úsh azamatqa aıyppul salyndy.
