Tegin sport úıirmelerine 43,2 mlrd teńge bólingen

Bıyl jergilikti ákimdikter tegin sport úıirmelerine 43,2 mlrd teńge bólgen, dep habarlaıdy Kazinform.

Bul jaıynda Týrızm jáne sport mınıstri Ermek Marjyqpaev ortalyq kommýnıkatsııalar qyzmetinde ótken brıfıngide málim etti.

«Elimizde dene shynyqtyrý jáne sportpen júıeli túrde 7,6 mln adam aınalysady. Bul jalpy halyqtyń 38,5 paıyzy degen sóz. 2029 jylǵa qaraı osy kórsetkishti 50 paıyzǵa deıin jetedi dep josparlanyp otyr.

Salamatty ómir saltyn nasıhattaýǵa baǵyttalǵan 25 myńnan astam sporttyq-buqaralyq is-shara turaqty negizde ótkiziledi. Ol is-sharalarǵa jyl saıyn 1,2 mln adam qatysady. Onyń ishinde 500 myń aýyl turǵyny da bar», - dedi mınıstr.

Sondaı-aq, ol sport salasyndaǵy memlekettik tapsyrystyń kólemin atady.

«Sport salasyndaǵy memlekettik tapsyrys aıasynda bıyl 250 myńnan astam bala men jasóspirim úıirmege tartyldy. Oǵan jergilikti ákimdikter 43,2 mlrd teńge bóldi. Nátıjesinde 220 myń balaǵa arnalǵan vaýcherler iske qosylyp, 6 myńnan astam sport sektsııasyna tegin qatysý múmkindigi paıda boldy», - dedi Ermek Marjyqpaev.