Tegin onkologııalyq skrınıngte 1837 obyr jaǵdaıy rastaldy
ASTANA. KAZINFORM – 2026 jyldyń birinshi jartyjyldyǵynda 2 362 568 adam tekserýden ótti.
Onkologııalyq aýrý erte kezeńde uzaq ýaqyt boıy aıqyn belgilersiz ótýi múmkin. Sondyqtan densaýlyq jaǵdaıynyń nasharlaýyn kútpeı, skrınıngten ýaqytyly ótý mańyzdy. 2026 jyldyń alǵashqy alty aıynda mundaı tekserýden 2,3 mln-nan astam qazaqstandyq ótti.
Qazaqstanda nysanaly toptardyń arasynda sút bezi obyryn, jatyr moıny obyryn jáne kolorektaldyq obyrdy erte anyqtaýǵa baǵyttalǵan onkologııalyq skrınıngtiń úsh túri tegin júrgiziledi.
2026 jyldyń birinshi jartyjyldyǵynda 2 362 568 adam tekserýden ótti.
Skrınıng nátıjeleri boıynsha:
* sút bezi obyrynyń 1 238 jaǵdaıy;
* kolorektaldyq obyrdyń 372 jaǵdaıy;
* jatyr moıny obyrynyń 227 jaǵdaıy rastaldy.
— Eger skrınıng barysynda adamnan kúmándi ózgerister anyqtalsa, bul onyń obyrǵa shaldyqqanyn bildirmeıdi. Patsıent qosymsha dıagnostıkalyq tekserýge jiberiledi. Tek tolyq tekserýden keıin ǵana dárigerler aýrýdyń bar-joǵyn rastaıdy nemese joqqa shyǵarady.
Turaqty tekserýler qaýipti ózgeristerdi erte kezeńde anyqtaýǵa múmkindik beredi. 2021–2025 jyldary Qazaqstanda III–IV satyda anyqtalǵan onkologııalyq aýrýlardyń úlesi 34,9%-dan 32%-ǵa deıin tómendedi.
Sońǵy bes jyldyń ishinde elimizde 14 mln-nan astam adam onkologııalyq skrınıngten ótti, al halyqty jyl saıyn qamtý kórsetkishi 13,5%-ǵa artty, — delingen habarlamada.
Profılaktıkalyq tekserýlerdi keıinge qaldyrmaı, belgilengen merzimde skrınıngten ótý qajet. Adam ózin jaqsy sezingenniń ózinde, erte dıagnostıka aýrýdy der kezinde anyqtap, qajetti emdi neǵurlym tez bastaýǵa múmkindik beredi.
Aıta ketelik Elde PET/KT zertteýin kútý ýaqyty úsh aıdan eki aptaǵa deıin qysqarǵan edi.
