Tegin ystyq tamaqpen qansha oqýshy qamtyldy

ASTANA. KAZINFORM – Tegin ystyq tamaqpen 1,7 mln mektep oqýshysy qamtyldy. Olardyń ishinde 1,4 mln astamy bastaýysh synyp oqýshysy jáne 340 myńnan astamy áleýmettik osal sanattaǵy otbasylardyń balalary. Bul týraly Oqý-aǵartý mınıstrliginiń baspasóz qyzmeti habarlady. 

Mektepke deıingi uıymdarda da osyndaı sanattaǵy 99 myń bala tamaqpen qamtamasyz etildi.

2025 jyldyń qyrkúıek aıynan bastap bilim berý uıymdarynda kókónis pen jemis tutynýdy arttyrýdy, tuz, qant jáne maı mólsherin azaıtýdy, sondaı-aq tabıǵı emes ónimderdi alyp tastaýdy kózdeıtin tamaqtaný standarty engizildi.

Tamaqtandyrý sapasyn qadaǵalaý tosynnan tekserý aqyly júzege asyrylady.

Aıta ketelik Astanada oqýshylar áli eski normamen tamaqtanyp júrgeni týraly jazǵan edik.