Tegin úıirmeler oqýshylardyń bárine birdeı qoljetimdi emes – Memleket basshysy
«Qalamyz daryndy jáne zııaly azamattar shoǵyrlanǵan ortalyqqa aınalýǵa tıis. Biraq buǵan kedergi bolyp otyrǵan jaıttar bar. Sonyń biri – balabaqshadaǵy jáne mekteptegi oryn tapshylyǵy. Qazir Astanada balabaqsha kezeginde 45 myń bala tur. Kezinde osy másele arnaıy memlekettik tapsyrys arqyly sheshilýi kerek edi. Biraq jekemenshik balabaqshalarǵa qarjy bólinse de, ahýal túzelmeı otyr. Árıne, olardyń qyzmet sapasyna qatysty talap bolýǵa tıis. Degenmen orynsyz tekserý jasap, jekemenshik balabaqshalardyń jumysyna kedergi keltirmeý kerek. Qalada keıbir mektepter áli kúnge deıin úsh aýysymmen oqytady», - dedi Memleket basshysy .
Qasym-Jomart Toqaevtyń aıtýynsha, Astanada bilim oshaqtarynyń qurylysy baıaý júrip jatyr. Byltyr nebári 3 mektep salyndy. 8 mektep der kezinde paıdalanýǵa berilmedi. Sonyń kesirinen bala sany artyq jáne úsh aýysymmen oqytatyn mektepter kóbeıdi.
«Keı synyptarda 30-dan astam bala oqıdy. Bul, árıne, bilim sapasyna keri áserin tıgizedi. Sonymen qatar erekshe qajettiligi bar balalarǵa arnalǵan arnaıy mektepterde oryn jetispeıdi. Ákimdik Oqý-aǵartý mınıstrligimen birlesip, munyń bárin sheshýge basa mán berýi qajet. Jalpy, mektep salý máselesi bul – strategııalyq mindet. Ony oryndaý úshin memleket qana emes, qaltaly azamattar da belsene atsalysýy kerek. Men bul máseleni osyǵan deıin de talaı ret aıttym. Biraq nıeti bar azamattardy jáne naqty is-áreketti ázirge kórip otyrǵan joqpyz. Jalpy, jeke qarjyǵa mektep salýdyń joldaryn oılastyrǵan jón», - dedi QR Prezıdenti .
Sonymen qatar, Qasym-Jomart Toqaevpedagog mamandardyń tapshylyǵyn tolyǵymen joıý – mańyzdy mindet ekenin atap ótti.
«Ustazdardyń biliktiligin arttyrý máselesi basty nazarda bolýǵa tıis. Jalpy, qalanyń bilim berý júıesin halyqaralyq deńgeıge kótergen jón. Ázirge bul baǵytta aıtarlyqtaı eshteńe jasalyp jatqan joq. Tegin úıirmeler oqýshylardyń bárine birdeı qoljetimdi emes. Buǵan ata-analar narazy. Bul sharýa naqty josparlanbaıdy. ıAǵnı, qaı úıirmege qansha qarajat qajettigi durys eseptelmeıdi. Bólingen qarjynyń ózi tıimsiz jumsalady. Tipti, jalǵan qujat toltyrý jaıttary oryn alyp otyr. Ákimdikke quzyrly organdarmen birlesip, naqty sharalar qabyldaýdy tapsyramyn.
Elimizge halyqaralyq standarttarǵa saı akkredıtatsııadan ótken bilim oshaqtary qajet. Joǵary oqý oryndary kóshten qalmaýǵa tıis. Men buǵan deıin elimizde sheteldik joǵary oqý oryndarynyń sanyn kóbeıtý jóninde tapsyrma berdim. Bul jumysty, eń aldymen Astanadan bastaý kerek. Ákimdik mamandar daıyndaý úshin ýnıversıtettermen yntymaqtastyqty jandandyrýy qajet», dedi Qazaqstan Prezıdenti.
