Tegin týrıstik joldamaǵa aqy tólegen astanalyq sotqa júgindi
ASTANA. QazAqparat - Tegin týrıstik joldama berýge ýáde etken kompanııaǵa aqy tólegen Astana turǵyny sotqa júgindi, dep habarlaıdy QazAqparat qalalyq sottyń baspasóz qyzmetine silteme jasap.
Іs materıalyna sáıkes, azamat S. men onyń jubaıy syılyq alý úshin týrıstik kompanııaǵa shaqyrtý alǵan. Keńsede Balıge tegin týrıstik joldama utyp alǵandary jáne ony alý úshin 69 myń teńge mindetti jarna tóleý qajettigi aıtylǵan.
«Moraldyq qysymmen er adam jarnany tólep, kelisimshartqa qol qoıǵan. Keıin aryz berýshi keńsege ulymen birge kelip, aqshany keri qaıtarýdy talap etken. Biraq kompanııa aqshany berýden bas tartqan. Azamattyq isti qaraý boıynsha sot otyrysy barysynda taraptar daý-damaıdy medıatsııalyq tártippen retteý týraly ýaǵdalasty», - delingen sot habarlamasynda.
Esil aýdandyq soty taraptardyń ýaǵdalastyǵyn bekitti. Oǵan sáıkes, kompanııa azamat S.-ǵa sot sheshiminsiz qaryz somasyn qaıtarýǵa mindetteldi.
Іs boıynsha óndiris toqtatylyp, sheshim zańdy kúshine endi.
