Tegin saıahattaý múmkindigin paıdalanǵan balalar kóbinde Aqtaý, Almaty jáne Túrkistandy tańdaıdy

ASTANA. QazAqparat - 2022 jyldan bastap Qazaqstanda Kids go Free baǵdarlamasy jumys isteıdi. Osynyń arqasynda balalarǵa el ishindegi áýe reıstermen tegin ushý múmkindigi berildi, dep habarlaıdy QazAqparat.

Ótken jyly kishkentaı týrıster men olardyń ata-analary arasynda suranysqa ıe úsh baǵyt: Aqtaý, Almaty jáne Túrkistan qalalary boldy.

Bul rette barlyq iske asyrylǵan týrlardyń 50% astamy Mańǵystaý oblysyna tıesili ekenin aıta ketken jón.

Jalpy atalǵan baǵdarlama boıynsha byltyr 76 mln teńgege ushaq bıletteri sýbsıdııalandy.

«Aqtaý - Qazaqstannyń eń tanymal týrıstik baǵyttarynyń biri jáne tanymal otbasylyq demalys orny. Ótken jyly Kids go Free baǵdarlamasyn 700-ge jýyq otbasy paıdalandy, bul 1500 balaǵa Qazaqstannyń basqa óńirlerin tegin kórýge múmkindik berdi. Bıyl kem degende 2000 bala men 1000 otbasyn qamtý mindeti tur. Ol úshin týroperatorlarǵa qoıylatyn talaptar jeńildetildi», – deıdi Mádenıet jáne sport mınıstrliginiń resmı ókili Móldir Ábdýálıeva.