Tegin kásiptik-tehnıkalyq bilim - jastar úshin ońtaıly baǵdarlama - Jańagúl Sultanova
ASTANA. QazAqparat - Qazaq ulttyq horeografııa akademııasynda Áleýmettik ǵylymdar jáne óner fakýltetiniń dekany Jańagúl Sultanova «Biz Elbasy joldaýyn qoldaımyz» atty baıandamasyn tanystyrdy, dep habarlaıdy oqý ornynyń baspasóz qyzmeti.
Jańagúl Serdalıqyzy Elbasy Nursultan Nazarbaevtyń Qazaqstan halqyna Joldaýyndaǵy kelesi sheshimin erekshe jeke atap ótti: «Memleket basshysynyń bastamasy boıynsha bıyl «Barshaǵa arnalǵan tegin kásiptik-tehnıkalyq bilim berý» jobasy iske asyryla bastady. Tegin oqytýmen eń áýeli jumyssyz jáne ózin ózi tıimsiz jumyspen qamtyǵan jastar, sondaı-aq kásiptik bilimi joq eresek adamdar qamtylýy tıis».
Sonymen qatar, stýdentter men magıstranttar qyzyqty baıandamalar men kórsetilimderin daıyndady.
Eske sala ketsek, 2016 jyly 31 tamyzda Qazaq ulttyq horeografııa akademııasy ashyldy. «Qazaq ulttyq horeografııa akademııasy» - ultymyzdyń bı mádenıetin álemdik horeografııalyq qaýymdastyqtyń tájirıbesine súıene otyryp qarqyndy damytatyn keshen. Horeografııa akademııasynyń oqytý júıesi ár bilim alýshymen jeke dara jumys jasaýǵa baǵyttalǵan. Oqý ordasy kóp deńgeıli kásibı horeografııalyq bilim beretin Ortalyq Azııadaǵy alǵashqy joǵarǵy oqý orny bolyp sanalady. Akademııanyń professorlary men oqytýshylary Qazaqstan men shet elderde keńinen tanymal, joǵarǵy deńgeıli, kásibı mamandar.
Qazirgi ýaqytta akademııada Qazaqstannyń ár óńirinen kelgen 500-ge jýyq bilim alýshy, atap aıtqanda, balet pen bı ansamblderiniń bolashaq ártisteri, bolashaq horeograftar men rejısserlar, ónertanýshylar jáne art-menedjerler biliktiligin shyńdaýda.
