Tegin em qabyldaýdyń tártipteri qandaı
Qordyń baspasóz qyzmeti aýrýhanada tegin emdelýdiń eki joly baryn atady.
Josparly túrde aýrýhana emdelý: dárigerdiń baǵyttaýy boıynsha sozylmaly aýrýlar men ómirge qaýip tóndirip turmaǵan aýrýlardy emdeý. Shuǵyl aýrýhanaǵa jatqyzý: patsıenttiń ómirine qaýip tóndirip turǵan, keıinge ysyrýǵa kelmeıtin aýrý boıynsha statsıonardaǵy em.
Shuǵyl emdeý árdaıym tegin júrgiziledi. Statsıonardaǵy josparly em bolsa, dárigerdiń baǵyttaýy boıynsha tegin júrgiziledi. Ol emdi qalaı alýǵa bolady?
- ózińiz qaralyp júrgen aýrýhanaǵa baryńyz;
- dáriger sizdi qarap, aýrýhanaǵa jatqyzý qajettigin rastaý úshin tekseris taǵaıyndaıdy;
- tekseristen ótińiz;
- dárigerdiń baǵyttýyn resimdep alyńyz;
- siz óz dárigerińizben birge emdeletin medıtsınalyq uıymyńyzdy tańdap ala alasyz;
- aýrahanaǵa ótinimdi tirkeńiz: sizdiń málimetterińiz «Aýrýhanaǵa jatqyzý bıýrosy» portalyna tirkeledi;
Kóp jaǵdaıda aýrýhanaǵa jatqyzý merzimi avtomatty túrde belgilenedi.
Mamandandyrylǵan aýrýhanalarda - onkologııalyq, psıhıatrııadyq, narkologııadyq, teri-venerologııalyq nemese ınfektsııalyq, basqa da emhanalarda emdelý merzimi statsıonarmen birge aıqyndalady.
- aýrýhanaǵa jatyp emdelý úshin talon alyńyz: sizge talondy kodpen birge beredi;
- https://bg.eisz.kz/ saıtyna kodty engizip, kezekti kútińiz.
Aýrýhanaǵa jatar kúni ózińizben birge kelesi qujattardy alyp júrýdi umytpańyz:
- jeke kýálik;
- aýrýhanaǵa jatýǵa arnalǵan talon;
- dıagnostıkalyq tekserý nátıjeleri;
- aýrýhanaǵa jatqyzý týraly baǵyttama-qujat.
Eger statsıonarlyq em basqa qalada josparlanǵan bolsa, bılet jaıyn ózińiz rettegenińiz durys. Medıtsınalyq áleýmettik saqtandyrý qory kólik shyǵynyn ótemeıdi.
Eger aýrýhanaǵa jatýǵa qatysty kedergiler kezdesse, dárigerge bul týraly eskertkenińiz jurys. Áıtpese, aýrýhanaǵa jatqyzý múmkindigi joıylyp ketý múmkin.
Aýrýhanaǵa jatqyzýdan kelesi jaǵdaıda bas tartylýy múmkin:
- eger aýrýhanaǵa jatýdan buryn patsıent aýrýhanada qajetti tekseristen ótpegen jaǵdaıda, qosymsha tekseristen ótpegen ýaqytta;
- josparly aýrýhanada emdelýge qatysty patsıentte qarama-qaıshylyq kezdesse;
- patsıentte statsıonarlyq kómektiń kórsetilgeni jaıly qujaty bolmasa, eger sheshimmen kelispesesiń Medıtsınalyq áleýmettik saqtandyrý qoryna ótinishpen shyǵa alasyz.
Statsıonar patsıentti bir táýlik kútedi. Ýaqtyly kele almaǵan jaǵdaıda bul týraly eskertilýi kerek. Áıtpese, patsıenttiń ótinimi kúshin joıady.
Eger sizge josparly aýrýhanadan emdelýden bas tartylsa, qordyń halyqpen jumys boıynsha departamentine habarlasýǵa bolady: 8 7172 647 023, 8 7172 647 066, vopros@fms.kz. Sonymen birge, Medıtsınalyq áleýmettik saqtandyrý qorynyń saıtyndaǵy «Halyqtyń baqylaýy» túımeshesi arqyly shaǵym qaldyrýǵa bolady.