Tegin dárilerdiń berilmeı qalý faktisin polıtsııa tekseredi
«Iá, ókinishke qaraı qalyp qalǵan preparattar bar, bul túsiniksiz, bylaısha aıtqanda ol dáriler qajetti jerine jumsalyp, taratylǵan preparattar retinde tirkelgen. Atalǵan fakti quqyq qorǵaý organdaryna tapsyryldy. Nege olaı bolǵanyn jáne qalaı bolǵanyn naqty aıtýǵa áli erterek. Bireýdi jazalaý úshin istiń-anyq qanyǵyn bilý kerek. Bul týraly aqparat shyǵa salysymen sizderge habarlaımyz», - dedi mınıstr Eljan Birtanov.
Mınıstrdiń aıtýynsha, buǵan deıin vedomstvoǵa qazaqstandyqtardan 600 ótinim kelip túsken. Qyzmetkerler 2017 jyly tegin dári-dármekke qol jetkizgen adamdardyń keıbirine qońyraý shalyp sóılesken. Júrgizilgen saýalnamaǵa sáıkes patsıenterdiń 20 paıyzy dári almaǵan, al aqparattyq júıeler patsıentterdiń dárigerler jazyp bergen preparattardy alǵanyn, 18 paıyzy tolyq emes, 62 paıyzy tolyq alǵanyn kórsetken.
Mınıstrlik derekterine sáıkes, turǵyndardy jyl kólemindegi tegin dári-dármekpen 95 paıyz qamtamasyz etý maqsatynda preparattar satyp alynǵan, biryńǵaı dıstrıbıýtordiń qoımalaryna jetkizilgen, sol jerden óńirlerge jiberilgen.