«Tegin bilim alýǵa qatysty teńdik saqtalmaı otyr» - respýblıkalyq basylymdarǵa sholý
***
«Elbasy Nursultan Nazarbaevtyń Qytaıǵa memlekettik sapary Qazaqstan ekonomıkasyn nárlendirýdiń úlken faktoryna aınalǵaly otyr», - dep jazady «Egemen Qazaqstan» gazeti búgingi sanyndaǵy «Aspanasty eliniń mol múmkindigi» atty maqalasynda. Basylymnyń jazýynsha, sapardyń nátıjeleri týraly pikir bildirgen Elbasy Qytaıdyń joǵary basshylyǵymen ótken kelissózder jáne sapar qorytyndysy óte jemisti bolǵandyǵyn atap ótti. «Qytaı Halyq Respýblıkasy Qazaqstan Respýblıkasyn senimdi kórshi, strategııalyq áriptes retinde kóredi. Bul - biz úshin óte mańyzdy. Óz ekonomıkasynyń damýy úshin Qazaqstan ulan-baıtaq rynokqa ıe bolýy kerek. Mundaı rynok QHR-da bar. ıAǵnı, 20 mlrd. dollardy quraǵan taýar aınalymy qarym-qatynastyń shegi emes jáne ol jedel ósý beıimdiligin kórsetip berip otyr», - dep atap kórsetken N.Nazarbaev.
«Egemen Qazaqstan» gazetiniń juma kúngi nómirinde Qazaqstannyń Eńbek Eri Erkeǵalı Rahmadıevtiń «Arzandamaıyqshy aǵaıyn» degen taqyryppen kólemdi maqalasy jarııalandy. Aldaǵy Prezıdenttik saılaý jaıy arqaý bolǵan maqalada úmitkerlerdiń ózin ózi usynýyna qarsylyq bildirilip, Elbasynyń el táýelsizdiginiń 20 jylynda atqarǵan eńbekterine sholý jasalady. «Taqty tálkek etýge bolmaıdy. Eldegi eń basty, eń laýazymdy qyzmettiń qadirin túsirýge jol bermeýimiz kerek. Hadıste «Patsha - Qudaıdyń jerdegi kóleńkesi» degen sóz bar. El basshysynyń bizdiń ómirimizdegi ornyna sondaılyq qurmetpen qaraǵanymyz jón. Ol úshin osy qyzmetke saılanýdan úmit etýdiń ózine talapshyldyq tanytqanymyz abzal. Sonda ǵana el erteńine jaýapty urpaq ekenimizdi kórsetemiz. Óz basym halqymyzdyń 3 sáýir kúni eldik qalaýyn jasaıtynyna senemin. Prezıdent saılaýy bárimiz úshin ortaq synaq - parasat synaǵy ekenin umytpaıyq», - dep jazady kompozıtor.
***
«Ortalyq saılaý komıssııasynyń sheshimimen QR Prezıdentiniń kezekten tys saılaýyna kandıdat retinde tirkelgen 22 úmitkerdiń 11-i memlekettik tildi erkin meńgergendigine jáne Konstıtýtsııa men «QR Saılaý týraly» konstıtýtsııalyq zańnyń talaptaryna saı bolýyna baılanysty Memleket basshysynyń laýazymynan dámelilerdiń qatarynda qaldy», - dep jazady «Aıqyn» gazeti. Basylymnyń atap ótýinshe, qoǵam úshin asa mańyzdy sanalatyn saıası oqıǵanyń kórigin qyzdyryp jatqandardyń arasynda Elbasy N.Nazarbaev - «Nur Otan» HDP-nyń, J.Ahmetbekov - QHKP-nyń, senator Ǵ.Qasymov - Qazaqstan Patrıottar partııasynyń, al Q.Rahmetov - «Jeltoqsan» Respýblıkalyq halyqtyq-patrıottyq qozǵalysy» qoǵamdyq birlestiginiń atynan baq synap jatyr. Qalǵan 18 kandıdat ózin-ózi usynǵandar. Ótinish bergenderdiń 18-i - er, 4-eýi - áıel adam. Bulardyń 21-i joǵary bilim, bireýi orta arnaýly bilim ıesi. Saılaý barysy jaıynda bilgińiz kelse, «Prezıdenttikke úmitkerler arasynda saıası saýaty tómender de boldy» degen maqalaǵa kóz júgirtińiz.
«20 jyl degenimiz - táýelsiz Qazaqstan men qazaq dıplomatııasynyń tarıhy». «Aıqyn» gazetiniń dástúrli «Aq sóıle!» aıdarynda Prezıdent janyndaǵy Memlekettik basqarý akademııasy Dıplomatııa ınstıtýtynyń dırektory Tóleýtaı Súleımenovpen aradaǵy suhbat osyndaı taqyryppen berilgen. Basylymnyń barlyq saýaldarynan tuşymdy jaýap berip, elimizdiń dıplomatııa tarıhyn da sholyp ótken ol: «Bar maqsatymyz - eldiń damýyna, órkendeýine jaǵdaı jasaý ǵoı. Eń aldymen, elge ınvestorlardy tartý úshin jaǵdaı jasaý kerekpiz. Shet memleketterine baryp, «Assalaýmaǵaleıkým» dep amandasyp, ózimizdi tanystyryp, elimizdi nasıhattaı bilýimiz kerek. Saıası, ekonomıkalyq turǵydan baılanystarymyzdy ulǵaıtýǵa nıetimizdi bildire bilýimiz kerek. Qazaqstan táýelsizdik alǵan 20 jylda elimizge 120 mlrd dollar ınvestıtsııa quıyldy», - deıdi.
***
«Alash aınasy» gazetiniń jazýynsha, prokýrorlar byltyr 690 myńnan astam azamattyń konstıtýtsııalyq quqyqtaryn qorǵaǵan. Azamattardyń quqyǵy men bostandyqtaryn qorǵaýdy júıeli túrde qadaǵalaıtyn organ jaqynda tegin joǵary bilim alýǵa artyqshylyqtary bar balalarǵa qatysty memlekettik bilim granttaryn berýdiń zańdylyǵyna tekserý júrgizip, birshama jaısyzdyqty anyqtaǵan. Sondaı-aq kásipodaqtarmen birlesip eńbek quqyǵyn qorǵaýǵa baǵyttalǵan sharalardy da qolǵa alǵan. Eldegi eńbek naryǵyndaǵy jaǵdaıdy saralaǵan prokýrorlar respýblıka boıynsha jalaqy máselesindegi jurtqa bereshektiń teń jartysy «Qýat» korporatsııasy» AQ kompanııasyna tıesili ekenin anyqtaǵan. Kásiporynnyń jumysshylar aldyndaǵy qaryzy 1,7 mlrd. teńgeni qurap otyr. Atalǵan máseleler tóńireginde egjeı-tegjeıli bilgińiz kelse, basylymdaǵy «Tegin bilim alýǵa qatysty teńdik saqtalmaı otyr» degen maqalaǵa nazar aýdaryńyz.
Osy basylymda Afrıka memleketterinde bolyp jatqan saıası oqıǵalarǵa sholý jasalǵan «Tóńkerister tizbegine tap bolǵan Jamahırııanyń jaǵdaıy qalaı bolmaq?» degen maqala jarııalandy. «Kórshiles Sýdan, Týnıs, Aljır, Mysyrda bolǵan oqıǵalar Lıvııaǵa da áser etpeı qoımady. Afrıka elderindegi jappaı halyqtyń tolqýy beıne bir tizbekter arqyly júrgizilgendeı áserde qaldyrdy. Kórinbeıtin tizbek júrip ótken memleketterdiń aldy jańa sasııa júıe qurýdyń alǵysharttaryn jasaýǵa kirisse, Bahreın, Iemen syndy memleketterdi tóńkeristiń elesi kezip júr. Al ázirge álem nazaryn ózine Lıvııa aýdaryp tur. Jalpy joǵaryda atap ótken tizbek júrip ótken memleketterdegi tóńkeristiń tórkini birdeı», - dep jazady basylym.
***
«Kazahstanskaıa pravda» gazetiniń jazýynsha, eki kún boıy Venanyń «Hofbýrg» saraıynda, EQYU-nyń shtab-páterinde uıymnyń Parlamenttik Assambleıasynyń qysqy májilisi ótedi. Oǵan Qazaqstan Parlamenti Senatynyń Tóraǵasy, EQYU Parlamenttik Assambleıasynyń Vıtse-prezıdenti Qasym-Jomart Toqaev bastaǵan elimizdiń delegatsııasy qatysýda. Birinshi kúni ótken úsh Jalpy komıtetterdiń birlesken otyrysynda Assambleıa Tóraǵasy Petros Eftımıý, Avstrııanyń Federaldyq Prezıdenti Haınts Fısher, EQYU-nyń Іs basyndaǵy tóraǵasy, Lıtvanyń Syrtqy ister mınıstri Aýdronıýs Ajýbalıs sóz sóıledi. Sonymen qatar saıası máseleler men qaýipsizdik jónindegi Jalpy komıtettiń májilisinde qazaqstandyq delegatsııanyń basshysy Qasym-Jomart Toqaev sóz sóılep, jıynǵa qatysýshylardy jappaı qyryp-joıý qarýyn taratpaý máselesin basa nazar aýdartqan.
