Tegeranǵa jasalǵan shabýyl: Izraıl soqqylarynan 70-ten astam áıel men bala qaza tapty
ASTANA. KAZINFORM — Iran Syrtqy ister mınıstrliginiń resmı ókili Esmaıl Baǵaı Izraıldiń nasıhaty turǵyn úılerge eshqandaı zııan keltirmegendeı kórsetýge tyrysatynyn aıtty, dep jazdy TASS.
Izraıl Qorǵanys armııasynyń Tegeranǵa jasaǵan sońǵy úsh soqqysynyń saldarynan 73 áıel men bala qaza tapty. Bul týraly Iran SІM-niń resmı ókili Esmaıl Baǵaı málimdedi.
— Izraıl nasıhaty turǵyn úılerge esh zııan keltirmeıtindeı kórsetkisi keledi. Alaıda shyn máninde, Tegeranǵa jasalǵan úsh shabýyldyń saldarynan 73 áıel men bala kóz jumdy, — dep jazdy Baǵaı X áleýmettik jelisinde.
Ol sondaı-aq Shahıd Chamran qalasyndaǵy turǵyn úı qıraǵanda 20 bala qaza tapqanyn, áli 10 balanyń denesi qırandylar astynda jatqanyn aıtty.
Buǵan deıin habarlanǵandaı, qarymta soqqy retinde Iran Izraılge taǵy da zymyran jiberdi.