Tegerandaǵy týrnırdiń jartylaı fınalynda qazaqstandyq qos tennısshi kezdesedi

ASTANA. QazAqparat – Qazaqstandyq qos tennısshi Iran astanasy Tegeranda 18 jasqa deıingiler arasynda ótip jatqan ITF Juniors J100 TEHRAN týrnıriniń jartylaı fınalynda ózara kezdesedi dep habarlaıdy QazAqparat tilshisi.

Qazaqstan tennıs federatsııasynan málim etkendeı, Ámir Omarhanov (299 ITF Juniors) shırek fınalda ózbekstandyq Imran Haıtbaevty 6:2, 7:5 esebimen utty.

Taǵy bir qazaqstandyq Danıal Rahmatýllaev (435 ITF Juniors) úndistandyq Krısh Tıdjıdi oısyrata jeńdi – 6:2, 6:0.

Endi Á.Omarhanov pen D.Rahmatýllaev jartylaı fınalda fınaldyń joldamasyn sarapqa salady.

Zańǵar Nurlanuly (692 ITF Juniors) shırek fınalda úsh saǵatqa sozylǵan asa tartysty básekede jarystyń 8-raketkasy, germanııalyq Artem Lıapshınge jol berdi – 6:4, 5:7, 4:6.

Tegeranda Ámir juptyq synda fınalǵa shyqty.

Ol sońǵy básekede bolgarııalyq Ivan Naıdenovpen birge ózbekstandyq Imran Haıtbaev – belorýssııalyq Danııl Rıajenkoýmen sheberlik baıqasady.

Eske sala keteıik, budan buryn qazaqstandyq úsh jas tennısshiniń Tegerandaǵy týrnırdiń shırek fınalyna shyqqanyn jazǵan edik.