Tegerandaǵy eń iri áýejaı halyqaralyq reısterdi qaıta jandandyrdy
ASTANA. KAZINFORM – Bul soǵys aıasynda áýe qatynasy toqtatylǵannan beri alǵashqy reıster bolady, dep habarlaıdy Kazinform agenttiginiń Taıaý Shyǵystaǵy menshikti tilshisi.
Mehr News-tiń habarlaýynsha, Tegeranda Imam Homeını Halyqaralyq áýejaı 25 sáýirde Ystanbul, Maskat jáne Beıjińge jolaýshylar reısterin qaıta jandandyrady.
Ázirge tek osy baǵyttar boıynsha reısterge ruqsat berildi. Baǵdar jelisin odan ári keńeıtý suranysqa baılanysty kezeń-kezeńmen júzege asyrylady.
Iran bıligi buǵan deıin tórt kezeńnen turatyn jospardyń bóligi aıasynda áýe qatynasyn kezeń-kezeńimen qalpyna keltiretinin jarııalaǵan bolatyn. Bastapqyda eldiń shyǵys bóligindegi reıster qaıta jandandy, sodan keıin Tegeran áýejaıyn qosa alǵanda negizgi áýe toraptary qaıta ashyldy.
Halyqaralyq reıster toqtatylǵan kezde áýejaı júk tasymaldaryna qyzmet kórsetýdi jalǵastyrdy, bul rette sheteldik áýe kompanııalary óz ushaqtaryn elden qaıtaryp aldy.
Ulttyq áýe tasymaldaýshysy Iran Air ishki reısterdi qaıta jandandyra bastady. Tegeran-Meshhed baǵyty boıynsha alǵashqy reıs 22 sáýirde oryndaldy, al kelesi reıster 25 jáne 26 sáýirge josparlanǵan.
Áýe qatynasy 28 aqpanda áskerı operatsııalar bastalǵannan keıin úzildi. 8 sáýirden bastap atysty toqtatý rejımi kúshine endi, sonyń aıasynda Iran kólik ınfraqurylymyn birtindep qalpyna keltirip jatyr.
Osyǵan deıin AQSh óz azamattaryn Irannan shuǵyl túrde ketýge shaqyrǵanyn jazǵan bolatynbyz.
