Tegeranda jańa prezıdentti ulyqtaý rásimi ótti
TEGERAN. IRNA-QazAqparat – Iran Islam Respýblıkasynyń segizinshi prezıdenti bolyp saılanǵan Ebrahım Raısıdi ulyqtaý rásimi áskerıler men ulttyń resmı ókilderi, sonymen qatar 115 elden kelgen qaıratkerler men qonaqtardyń qatysýymen ótti, dep habarlaıdy QazAqparat IRNA agenttigine silteme jasap.
Ulyqtaý rásimi aldynda 115 el men halyqaralyq uıymdardyń delegatsııalary Iran Islam Respýblıkasynyń jańa prezıdenti Ebrahım Raısımen Baharestandaǵy Parlamentte ashyq aýada sýretke tústi.
Parlament spıkeri Mohammad Bager Galıbaf barlyq ırandyq jáne sheteldik qonaqtar aldynda qysqa sóz sóıledi.
Parlament spıkeriniń quttyqtaýynan soń Prezıdent Ebrahım Raısı sot bıliginiń basshysy men sharaǵa qatysqan sheneýnikterdiń aldynda ant berdi.
Prezıdent Islam Respýblıkasynyń Konstıtýtsııasy men rejıminiń qamqorshysy bolýǵa ant berdi jáne halyqtyń problemalaryn sheshýge bar kúsh-jigerin jumsaıtyndyǵyn bildirdi.
