Tegeranda voleıboldan erler komandalary arasynda Azııa chempıonaty bolady
ALMATY. 15 qyrkúıek. QazAqparat /Erlik Erjanuly/ - Búgin Túrkııada sońǵy oqý-jattyǵý jıynyn ótkizip jatqan qazaqstandyq voleıbolshy jigitter XVI Azııa chempıonatyna qatysý úshin Irannyń Tegeran qalasyna attanady. QR Voleıbol federatsııasy taratqan habarlamaǵa qaraǵanda, onda qyrkúıektiń 21-29 kúnderi qurlyqtyń úzdik 16 komandasy Álemdik kýboktyń joldamasyn sarapqa salady.
Alǵashqy kezeńde Gennadıı Parshın jattyqtyratyn qazaqstandyqtar Taıland, Pákistan jáne Japonııa quramalarymen birge «S» tobynda óner kórsetedi. Onda óz tobynda 1-2 oryn alǵandar odan keıin 1-8 orynǵa, al ózgeleri 9-16 orynǵa talasatyn bolady. Bas bapker bul dúbirli dodada el namysyn qorǵaýda - Áset Bazarqulov (1987), Narıman Súleımenov (1982), Marat Imanǵalıev (1980), Nódirhan Qadyrhanov (1991), Vıtalıı Erdshteın (1992), Narıman Áýbákirov (1989), ıÝrıı Stýlov (1980), Anton ıÝdın (1982), Aleksandr Stolnıkov (1988), Sergeı Kýznetsov (1993), Dmıtrıı Gorbatkov (1981) pen Vıtalıı Mıronenkoǵa (1985) senip tapsyrmaq. Olar alǵashqy kezeńde birinshi oıynyn sársenbide Pákistanmen, al juma kúni sońǵy oıynyn Japonııa voleıbolshylarymen ótkizedi.
