Tegeranda narazy top Saýd Arabııasynyń elshiligine basyp kirdi
ASTANA. QazAqparat - Tegeranda 3 qańtarǵa qaraǵan túni narazy top Saýd Arabııasynyń elshiligine basyp kirdi, dep habarlady Reuters.Saýd Arabııasynyń bıligi shıǵa din nasıhattaýshysy Nımr ál-Nımrdi ólim jazasyna keskenin estigen soń Tegeranda narazy top dıplomatııalyq mıssııa aýmaǵyna kirip, jıhazdardy syndyryp, ǵımaratty órttemek bolǵan.
Polıtsııa búlikshilerdi elshilikten shyǵaryp, órt sóndirýshiler otty sóndirdi. Iran Іshki ister mınıstrligi dıplomatııalyq statýsty syılaýǵa shaqyrdy.
Meshhedte de Saýd Arabııasynyń konsýldyǵyna narazylyq bildirýshiler shabýyl jasady, dep habarlady RIA Novostı «Sabak» gazetine silteme jasap. Basylymda ırandyqtardyń bir toby konsýldyqty órttemek bolǵany aıtylǵan. Narazy top ishinde Saýd Arabııasynyń ǵımarattaǵy týyn qulatqysy kelgender de bolǵan.
Eske sala keteıik, Saýd Arabııasynda lańkestikke qatysy bar degen kúdikpen sottalǵan 47 adam ólim jazasyna kesildi. Olardyń qatarynda Iranda tanymal shıǵalardyń din nasıhatshysy Nımr ál-Nımr boldy.
