Tegeranda QR IDM uıymdary men ırandyq kompanııalar arasynda birqatar ınvestıtsııalyq kelisimder jasaldy
Eske sala ketsek, Iran Islam Respýblıkasyna QR Investıtsııalar jáne damý mınıstri Áset Isekeshev bastaǵan qazaqstandyq delegatsııa barǵan bolatyn.
Búgin QR Investıtsııalar jáne damý mınıstrlikteriniń vedomstvolyq uıymdary ırandyq kompanııalarmen birqatar ınvestıtsııalyq kelisimder ornatty.
Osylaısha, geologııa jáne jer qoınaýyn paıdalaný salasynda QR IDM «Qazgeologııa» Ulttyq geologııalyq barlaý kompanııasy» AQ Basqarmasynyń tóraǵasy Ǵalym Nurjanov ırandyq úsh ınvestıtsııalyq kompanııa - «Ghadir Industry & Mine Development International Co», «Sadr Tamin Investment Co» ı «SUNIR» (Iran Power & Water Equipment and Services Export Company) yntymaqtastyq týraly kelisimderge qol qoıdy.
Taraptar jer qoınaýynda qatty paıdaly qazbalardy izdeý, olardy baǵalaý, Qazaqstanda paıdaly qazbalardy barlaýǵa ınvestıtsııalardy tartý boıynsha jobalardy birlesip iske asyrýǵa nıetti. Qazirgi kezde geologııalyq barlaýǵa salynatyn ınvestıtsııalardyń jalpy kólemi 30 mln dollar kóleminde josparlanǵan.
«Ghadir Industry & Mine Development International Co» ınvestıtsııalyq holdınginiń 8 negizgi baǵyt boıynsha bólimsheleri bar, sonyń ishinde taý-ken ónerkásibi, qurylys jáne munaı. Kompanııanyń jeke qurysh quıatyn zaýyty, alıýmınıı zaýyty, iri temir-rýdaly ken orny bar. Kompanııa iri temir-rýdaly, polımetaldyq jáne mys ken oryndaryna qyzyǵýshylyq tanytyp otyr.
«Sadr Tamin Investment Co» kompanııasy (SHASTA kom panııalar tobyna kiredi) eldegi birinshi mıneraldyq ónimder holdıngi. Kompanııa ken óndiretin 11 kompanııany tikeleı basqarady jáne 8-in kompanııany janama basqarady. Sadr Tamin-niń qazirgi jarǵylyq kapıtaly 2,5 mıllıardov dollar shamasynda. 2012-2016 jyldary 5 jyldyq kezeńge ınvestıtsııalar kólemi 2,6 mlrd dollar deńgeıinde josparlanǵan. Ol negizinen mıneraldyq shıkizat jáne temir, altyn, mys jáne sol sekildi metaldar.
«SUNIR» holdıngi (Iran Power & Water Equipment and Services Export Company) -energetıka, sý, munaı, gaz, taý-ken, muaı-hımııa jáne qurylys salasynda jetekshi ırandyq kompanııa.
Kompanııa TMD-dan Ońtústik Azııaǵa, afrıka qurlyǵynda Taıaý Shyǵysqa deıin jáne Latyn Amerıkasy naryqtarynda qyzmet jasaıdy.
2013 jyly kompanııa ENR reıtınginde 250 jeteshi álemdik kompanııalar arasynda 191 oryn alǵan.
Eske sala ketsek, 11 - 12 sáýirde Qazaqstan Respýblıkasynyń Prezıdenti Nursultan Nazarbaev Prezıdent Hasan Rýhanıdiń shaqyrýymen Iran Islam Respýblıkasyna barady.
