Tegeranda Qazaqstan táýelsizdiginiń 30 jyldyǵy atap ótildi
Іs-sharanyń joǵary mártebeli qonaqtarynyń qatarynda IIR Aýyl sharýashylyǵy djıhady mınıstriniń orynbasary M.Ǵorbanı, IIR Májilisiniń depýtaty - Serpilis jáne óndiristi órkendetý jónindegi arnaıy komıteti tóraǵasynyń orynbasary –IIR-QR parlamenttik dostyq tobynyń basshysy Ǵ.Nýrı Ǵezeldje, IIR Saýda, ónerkásip, ken jáne aýyl sharýashylyǵy platasynyń orynbasary M.Karbası, IIR Syrtqy ister mınıstrligi Eýrazııa departamentiniń bas dırektory Á.Haǵıǵıan, IIR SІM Kópjaqty jáne halyqaralyq ekonomıkalyq yntymaqtastyq departamentiniń bas dırektory S.Álávı, Irannyń ózge de memlekettik organdarynyń, Tegeranda tirkelgen sheteldik dıplomatııalyq ókildikter men halyqaralyq uıymdardyń basshylary, ırandyq kórnekti qoǵam qaıratkerleri, ǵylymı, shyǵarmashylyq zııaly qaýym jáne qazaq dıasporasynyń ókilderi – jalpy, 150-den asa adam qatysty.
Saltanatty qabyldaýda Irandaǵy QR Elshisi A.Orazbaı sóz sóılep, Qazaqstan óz táýelsizdiginiń 30 jyly ishinde ekonomıkalyq reformalardy sátti júzege asyrdy, nátıjesinde keńestik úlgidegi josparly ekonomıka álemdik saýda-ekonomıkalyq júıege tolyqtaı ıntegratsııalanǵan erkin naryqtyq ekonomıkaǵa kóshti dep atap ótti.
Sonymen qatar, Elshi táýelsizdik jyldary Qazaqstanǵa kelgen tikeleı sheteldik ınvestıtsııa 380 mlrd. dollarǵa jetkenin, bul Ortalyq Azııaǵa tartylǵan sheteldik ınvestıtsııalardyń jalpy kóleminiń 75%-ynan astamyn quraıtynyn málimdedi.
Elshi A.Orazbaı sóziniń jalǵasynda Qazaqstannyń mańyzdy jetistikteriniń qatarynda ultaralyq jáne konfessııaaralyq kelisimniń biregeı modeli qalyptasqanyn, kórshi memlekettermen, sonyń ishinde Reseımen jáne Qytaımen shekara tolyqtaı delımıtatsııalanǵanyn, sondaı-aq Kaspıı teńiziniń quqyqtyq mártebesi týraly konventsııaǵa qol qoıý nátıjesinde teńiz shekaralarynyń delımıtatsııalanǵanyn atady.
Elshi Qazaqstannyń táýelsizdik alǵan tusta álemdegi tórtinshi ıadrolyq arsenaldan óz erkimen bas tartqany jáne Semeı ıadrolyq synaq polıgonyn japqany halyqaralyq qoǵamdastyq moıyndaǵan halyqaralyq qaýipsizdikke qosqan zor úlesi bolǵanyn atap kórsetti.
A.Orazbaı Qazaqstan-Iran qarym-qatynasynyń damýy týraly bólek aıta kele, Qazaqstan táýelsizdik alǵan kúnnen bastap ekijaqty qarym-qatynastar árqashan ekijaqty deńgeıde de, kópjaqty formatta da ózara qoldaýǵa negizdelgen saıası dıalogtyń joǵary serpinimen sıpattalyp kele jatqanyna basa toqtaldy.
Eki memlekettiń arasyndaǵy taýar aınalymy 2021 jyldyń 9 aıynda 2020 jyldyń osy kezeńimen salystyrǵanda 2,2 esege óskeni atap kórsetildi.
IIR Úkimetiniń atynan qabyldaý rásiminiń bas qonaǵy bolǵan IIR Aýyl sharýashylyǵy djıhady mınıstriniń orynbasary M.Ǵorbanı sóz alyp, Qazaqstan 30 jyl ishinde saıası, ekonomıkalyq, ákimshilik-basqarý, ǵylymı, tehnologııa salalarynda aıtýly jetistikterge qol jetkizgenin joǵary baǵalady.
Budan ózge, Iran men Qazaqstan parlamenttik dostyq tobynyń tóraǵasy Ǵ.Nýrı Ǵezeldje óz sózinde Qazaqstan Respýblıkasynyń egemendi damý jyldaryndaǵy jetistikterin joǵary baǵalap, osy rette eki el arasyndaǵy parlamentaralyq yntymaqtastyqtyń mańyzdy rólin atap ótti.
Іs-shara baǵdarlamasynyń erekshe bóligi retinde Tegeran óner ýnıversıtetiniń skrıpkashylary qazaqtyń halyq mýzykasy men tanymal qazaqstandyq kompozıtorlardyń áýenderin oryndady.
Sondaı-aq qonaqtar nazaryna Qazaqstannyń jetistikteri men Qazaqstan-Iran qarym-qatynasynyń damýy týraly beınefılm men fotokórme usynyldy.
Sonymen qatar qazaqtyń ulttyq taǵamdary usynyldy.
