Tegeranda Irannyń Joǵarǵy kóshbasshysy Álı Hameneımen qoshtasý rásimi bastaldy
ASTANA. KAZINFORM — Iranda birneshe kúnge sozylatyn aza tutý sharalary 9 shildede Islam revolıýtsııasynyń Joǵarǵy kóshbasshysy Álı Hameneıdi Meshhed qalasynda jerleýmen aıaqtalady, dep habarlaıdy Kazinform agenttiginiń menshikti tilshisi.
Juma kúni Tegeranda Islam revolıýtsııasynyń Joǵarǵy kóshbasshysy aıatolla Álı Hameneımen qoshtasý rásiminiń alǵashqy kezeńi bastaldy. Bul týraly Irannyń IRNA aqparat agenttigi habarlady.
Tańerteń erte Álı Hameneıdiń jáne onymen birge qaza tapqan serikteriniń máıitteri Tegerandaǵy «Mosalla» dinı keshenine jetkizildi. Olar eki kúnge sozylatyn qoshtasý rásimi qarsańynda keshenniń negizgi namaz zalynda ornalastyryldy.
Iranian authorities are finalizing major security and logistical arrangements ahead of a multi-day state funeral for Supreme Leader Ali Khamenei, following his assassination in a US-Israeli attack on 28 February. Today, the late leader's casket arrived at the Imam Khomeini Grand… pic.twitter.com/JMjoJ8J36e
— The Cradle (@TheCradleMedia) July 3, 2026
Major General Ali Abdollahi, commander of the Khatam al-Anbiya Central Headquarters; Major General Hatami, Chief of the Army Staff; General Radan, Chief of Police; General Ibn al-Reza, caretaker of the Defense Ministry; and Rear Admiral Sayyari, ....... pic.twitter.com/tx6pp8X61g
— IRNA News Agency ☫ (@IrnaEnglish) July 3, 2026
IRNA málimetinshe, Tegeranǵa ıslam ortalyqtarynyń, qoǵamdyq uıymdardyń ókilderi, sondaı-aq Italııa, Nıderland, Ulybrıtanııa, Danııa jáne Aýstrııany qosa alǵanda, birqatar Eýropa elderindegi soǵysqa qarsy qoǵamdyq qozǵalystardyń ókilderi bardy.
Juma kúni sheteldik delegatsııalar úshin de jeke rásim uıymdastyryldy. IRNA habarlaýynsha, Álı Hameneıdiń rýhyna taǵzym etý úshin Reseı, Qytaı, Úndistan, Túrkııa, Irak, Bosnııa jáne Gertsegovına, Majarstan, Bangladesh, Indonezııa jáne Aýǵanstannyń dinı kóshbasshylary men resmı ókilderi bardy.
Sondaı-aq rásimge Lıvandaǵy «Amal» qozǵalysynyń delegatsııasy, Sırııa, Lıvan, Irak jáne Marokkodan kelgen «qarsylyq osi» qozǵalystarynyń ókilderi, Ispanııa, Ekvador jáne Bolıvııanyń qoǵam qaıratkerleri qatysyp jatyr.
Martyr Nasrallah's family and Lebanese Resistance commanders attended the Tehran Mosalla to honor Iran's martyred Leader. pic.twitter.com/ewSMbfN0GM
— IRNA News Agency ☫ (@IrnaEnglish) July 3, 2026
Jarııalanǵan kestege sáıkes, Tegerandaǵy qoshtasý rásimderi senbi jáne jeksenbi kúnderi jalǵasady. 6 shilde, dúısenbi kúni el astanasynda negizgi aza sherýi ótedi. Kelesi kúni rásimder Irandaǵy shıızmniń basty dinı ortalyqtarynyń biri sanalatyn Kým qalasynda jalǵasady.
8 shildege Irak astanasy Baǵdadta, sondaı-aq shııt musylmandary úshin qasıetti Nadjaf pen Kerbela qalalarynda aza tutý sharalary josparlanǵan. Jerleý rásimi 9 shildede Álı Hameneıdiń týǵan qalasy Meshhedte, ımam Reza kesenesiniń janynda ótedi.
Qoshtasý rásimderi qarsańynda Irannyń Islam revolıýtsııasy saqshylar korpýsy málimdeme jasap, Álı Hameneımen qoshtasý Islam revolıýtsııasynyń murattaryna adaldyqtyń kórinisi ekenin málimdedi.
Sondaı-aq korpýs eldiń qarýly kúshteri tolyq jaýyngerlik ázirlikte ekenin aıtyp, Iranǵa qarsy kez kelgen áreketke burynǵydan da qatań jaýap qaıtarylatynyn eskertti. Málimdemede azamattar ulttyq birliktiń belgisi retinde aza tutý sharalaryna jappaı qatysýǵa shaqyryldy.
Reuters agenttiginiń habarlaýynsha, Iran bıligi birneshe kúnge sozylatyn aza tutý rásimderin sońǵy onjyldyqtardaǵy eń iri memlekettik sharalardyń biri retinde qarastyryp otyr. Qaýipsizdikti qamtamasyz etý maqsatynda Tegeranda kúzet kúsheıtilip, rásimderge sheteldik resmı tulǵalar men Irannyń odaqtastarynyń ókilderi qatysyp jatyr.
Jerleý rásimi eldegi qarýly qaqtyǵystyń jalǵasýyna baılanysty birneshe aıǵa keıinge shegerilgen bolatyn. Qoshtasý sharalary Iran men Iraktyń birneshe qalasynda ótip, Álı Hameneıdi týǵan jeri Meshhedte jerleýmen aıaqtalady.
Buǵan deıin 1 naýryzda AQSh prezıdenti Donald Tramp Truth Social paraqshasynda Irannyń joǵary jetekshisi Álı Hameneıdiń qaza tapqanyn jetkizdi.
Keıinnen Iranda Aıatolla Hameneıdiń qazasy rastalyp, elde aza tutý jarııalandy.
