Tegeranda Abaı kúni atalyp ótti
ASTANA. KAZINFORM – Qazaqstan Respýblıkasynyń Iran Islam Respýblıkasyndaǵy Elshiligi jáne Ekonomıkalyq yntymaqtastyq uıymy janyndaǵy Mádenıet ınstıtýtynyń bastamasymen Abaı kúnine oraılastyryp, «Abaı murasy – Qazaqstannyń álemdik maqtanyshy» atty is-shara uıymdastyryldy.
Іs-sharaǵa Tegeranda akkredıttelgen dıplomatııalyq ókildikter men halyqaralyq uıymdar basshylary, zııaly qaýym ókilderi men abaıtanýshylar qatysty.
Іs-shara barysynda Mádenıet ınstıtýtynyń dırektory Saıd Han, Qazaqstannyń Irandaǵy Elshisi Ońtalap Ońalbaev, sondaı-aq qazaqstandyq ǵalymdar jáne ırandyq ádebıettanýshylary sóz sóılep, qazaqtyń uly aqyny, aǵartýshy, qazaq ádebıetiniń negizin qalaýshy, fılosof Abaı Qunanbaıulynyń baı murasyna keńinen toqtaldy.
Qazaqstan Elshisi bıyl uly aqynnyń týǵanyna 179 jyl tolǵanyna, Abaıdyń ósken ortasyna, onyń Shyǵys ádebıetimen baılanysyna silteme jasap, Abaı Qunanbaıuly qazaqtyń jazba ádebıetiniń negizin qalaýshy ekenin atap ótti. Elshi QR Prezıdenti Qasym-Jomart Toqaevtyń «Ǵulama Abaı – qazaq topyraǵynan shyqqan álemdik deńgeıdegi kemeńger. Ol kúlli adamzat balasyna aqyl-oıdyń jemisin syılady» sózin keltirip, Abaıdyń danalyq ornyn aıqyndap bergenin aıtty.
O. Ońalbaev Abaı shyǵarmalary ózektiligin eshqashan joǵaltpaıtynyna erekshe nazar aýdardy jáne Abaıdyń Shyǵysqa qatysy keń kólemdi oılary zertteýdi qajet etetin taqyryp ekenin málimdedi. Sonymen qatar uly oıshyldy jahan jurtyna laıyqty deńgeıde tanytýdyń mańyzyn atap ótti.
Nazar aýdaratyn jaıt, qazirgi ýaqytta Iran Ulttyq kitaphanasynda Abaı bıýsti bar. Sonymen qatar Qazaqstannyń Gorgan qalasyndaǵy Bas konsýldyǵynda Abaı buryshy jumys isteıdi.
